歌手何雁詩（Stephanie）製作一年多的新專輯，終於在上月底面世，為答謝歌迷支持，她決定連同師兄張子丰合力製作一千個愛心花生醬包，作為隨碟附送的禮物：「麵包到時會喺新碟發布會同宣傳活動上送畀所有歌迷，多謝佢哋一直支持我！而子丰喺我新碟入面出咗好多力，除咗同我合唱，又幫手做我MV導演，所以唔爭在今次叫埋佢嚟幫手。」

經過多個步驟，Stephanie和張子丰的麵包總算似模似樣！

在麵包師傅的指導下，兩人依次序將糖、牛油和雞蛋混合麵粉搓出平均分量，不過子丰的手勢認真麻麻，Stephanie說：「點解你整得咁肉酸，切又切到邊大邊細？」搓好麵粉後，他們加入花生醬，搓成長條形後放入焗爐焗二十分鐘，再用糖漿裝飾製成品。