去年憑《衝上雲霄II》贏得「最佳女配角」的江美儀，今年再憑《使徒行者》角逐女配角獎，贏面頗大。美儀已準備好靚衫出戰頒獎禮，更坦言對冧莊很有信心：「視帝都有冧啦，我想女配角有得冧莊！同埋如果再上台攞獎，唔想喊得咁肉酸！」若能如願，美儀笑說不換樓都要換車：「樓我暫時買唔起住，但車就要換，我已經睇中咗一部，贏到就當獎勵自己！」難得美儀不扭擰，恨獎就講出聲，她又稱去年攞獎時太緊張，以致忘記多謝很多人，所以想再贏一次，好讓她補謝！美儀在《使》劇的角色惹人同情，與去年《衝II》中大情大性的「Head姐」反差很大，美儀很開心可以演不同類型角色，讓她有發揮機會。

美儀已經揀好戰衣，準備冧莊！

美儀在《使》劇飾演弱女子，新鮮感十足。