公開兒子生父 關淑怡只想坦白

關淑怡（Shirley）、呂良偉夫婦、朱潔儀及模特兒諸葛紫岐等昨晚出席活動，早前在網誌公開囝囝生父是不丹寧波車的Shirley首度開腔回應：「只係坦白表達我感覺。」問到相中寧波車是否囝囝生父？Shirley睩大眼默認：「唔、唔、唔。（突然公開？）我有選擇過公開咩？」隨即表示認識該寧波車多年，由於曾傳曾志偉是囝囝生父，問到是否還對方清白？Shirley說：「係你要還佢清白，唔係我講。（囝囝見過相中嘅寧波車？）好私人嘢，唔想再講囝囝。」同場的呂良偉夫婦被問到有否收到好友關之琳喜帖？楊小娟說：「未收通知，好事一定要恭喜。」隨即自爆已準備禮物賀對方：「好有心意，特別為佢而做。」呂良偉則指老婆永遠是對的，令楊小娟冧爆說：「佢都係好好先生。」並透露有意舉行結婚15周年派對。