兩大影后趙薇及袁詠儀（靚靚）前日下午3時半左右不約而同現身銅鑼灣為子女置裝，其中戴黑超的趙薇表現風騷，穿梭於各店為囡囡揀了兩對波鞋及不少靚衫，看來小四月由聖誕到新年都不用愁冇衫，期間有粉絲上前邀合照，她亦來者不拒。當趙薇一行人步行到另一間店舖時，碰巧靚靚亦在內為寶貝仔揀衫，戴眼鏡的她睇得相當入神，但不足一分鐘即轉身走人，與趙薇緣慳一面。

趙薇花了不少心思為囡囡小四月挑選波鞋。

戴眼鏡的靚靚於店舖專注揀衫。

此外，趙薇心繫寶貝女小四月，晚上即上載女兒新照。相中的趙薇穿上長裙和女兒玩耍，小四月眼大大似足媽媽，被網民大讚漂亮，更指趙薇要變成「國民岳母」。