藝人楊秀惠、胡定欣及陳豪昨日為新劇拍攝外景，劇情講述秀惠先後以白色低胸裙及性感泳衣Look色誘陳豪，令暗戀陳豪的定欣妒忌。雖然天氣乍暖還寒，但秀惠的性感泳衣Look一出，即時為現場升溫。

穿白色低胸裙的秀惠（圖）大騷事業線，施展渾身解數色誘陳豪。

楊秀惠、陳豪

定欣大爆陳豪於劇中艷福不淺。

秀惠無懼寒冷換上泳裝拍攝。

楊秀惠、胡定欣及陳豪昨日到屯門為無綫新劇《鬼同你OT》拍攝外景，劇情講述秀惠先後以白色低胸裙露三吋事業線及性感泳衣Look誘惑陳豪。昨日天氣徘徊20度左右，由於拍攝場地位於小山之上，氣溫再低幾度，但秀惠仍要「死頂」：「場戲講我為咗演嘢，特登晒泳衣Look，所以件泳衣都幾性感，我好怕冷親，拍攝前一晚已經飲咗好多薑茶打底，為咗保暖仲會食多啲嘢！（唔怕有肚腩？）保暖最緊要，唔怕得咁多！其實呢場戲係有需要嘅，呢場戲之後，會講我同陳豪有好多黑色幽默嘅搞笑劇情。」

而定欣大爆陳豪於劇中艷福不淺：「我暗戀陳豪，但佢唔知，今日呢場戲，我見秀惠咁好身材，所以好妒忌。後來我做咗鬼仲會上阿田（田蕊妮）身同陳豪Kiss，所以陳豪要拍同阿田、同我Kiss嘅戲，場戲都好有Feel，幾人鬼情未了o架！」

扮聖誕老人氹仔

至於陳豪則表示心有所屬：「等埋位會諗起個仔（Aiden），惟有盡量唔去諗。（諗點同個仔扮靚？）我哋真係好鍾意同Aiden扮靚，Aiden都好開心，雖然未知聖誕使唔使開劇，但盡量會搵時間同個仔搞聖誕Party，對佢成長係個重要回憶。（扮聖誕老人氹個仔開心？）裝個大肚腩？可以考慮吓喎！」