馬賽遭網上恐嚇報警

馬賽就網上恐嚇滋擾事件到警署報案，《東網》昨日凌晨率先爆料報道，馬賽在微博說：「這幾天，收到從不同微博帳號發出的騷擾與恐嚇，並且散播偽造我的微博對話。本來不想去理會。但是，當這些誹謗與造謠影響我周圍的同事時，我不得不有所行動。此事已交由警方處理，並由律師跟進。在這裏，也要再次向被牽連的同事們致深深的歉意！」

吳卓羲斥無聊

馬賽昨日澄清事件：「自己好耐冇用微博，最近用番就不斷受到恐嚇同騷擾，有人威脅我要退出娛樂圈，如果唔退出娛樂圈就會將我嘅對話公開（指性愛對話），但係呢啲對話根本係捏造、造謠。曾經向微博舉報同封阻，但係都冇用，好快又畀另一啲唔同帳嘅人繼續恐嚇，因為今次影響到同事，所以尋晚已經去咗報警。」

問到覺得是誰在恐嚇她﹖馬賽說：「喺呢一年，再難聽嘅說話都已經聽咗好多，最困難嘅時間已經捱過，我只係想畀心機工作，積極生活，係邊個都好，我都要感謝佢，呢啲事只係會令我更堅強。」她指事件已交律師處理，並已發律師信給涉事雜誌，她會保留所有追究權利。對於無盡的誹謗和造謠，馬賽稱惟有用法律作盾牌來保護自己，還自己一個公道。而被捲入事件的吳卓羲說：「咁無聊，不實報道唔回應。」

拍劇工作繼續

馬賽正拍攝的劇集《東坡家事》監製黃偉聲指對方表現沒有問題，強調不會換角，又指外景多數在電視城場地拍攝，不擔心馬賽受到騷擾。而無綫企業傳訊部副總監曾醒明表示公司支持馬賽向警方求助以保障自己，而馬賽經理人亦力撐：「佢微博一直受到攻擊，所謂嘅對話，絕對冇可能係馬賽寫！」

另外，律師梁永鏗表示如有人以他人名字開設戶口發訊息，未必構成罪行：「因為好多人同名同姓，唔可以話個戶口同自己同名同姓就可以入罪，但係開設戶口者用他人名字之餘，仲用埋他人圖片開設，以及發放訛騙欺詐嘅訊息，就會構成訛騙罪。」

至於有人聲稱持有聲帶，並威脅對方退出娛樂圈，梁永鏗表示當事人可聯絡網絡負責人刪除有關言論，因為發放以上訊息者，已經可構成誹謗、名譽受損及恐嚇。