有新戀情的又豈止熊黛林一個！同樣剛宣布與安志杰（Andy）拍拖的模特兒Jessica C.（JC）前晚出席KURT GEIGER 活動時透露，因返美度聖誕而未能與男友共度佳節。問到有否預先準備禮物？她坦言仍在構思，不排除會寫卡或作一首甜蜜的詩送給他，至於會否提早炮製聖誕大餐？她說：「其實佢之前為我下過廚，仲好好味！我識焗蛋糕，可能由佢煮主菜，我負責甜品。」提到因電影《屍城》中的性感造型而獲選十大最性感混血模特兒，JC笑言已將消息告知男友：「佢都有恭喜我，但我淨係緊張Andy點諗！我以前會好緊張出活動着咩衫，依家緊張同佢約會着咩衫多啲！（佢有冇讚你Hot？）我成日讚佢Hot，尤其鍾意佢膊頭。」

JC與安志杰拍拖首個聖誕便分開過！