對於熊黛林（Lynn）揚言不再與圈中人拍拖，其他名模各有己見。同公司的名模姚書軼（Mikki）曾與圈中人曾智超（Sunny）拍拖，她坦言最重要是合得來：「睇你遇到邊個，同埋兩個人夾唔夾，圈內圈外都冇影響，最緊要大家理解係做嘢。」而與Ana R.及貝安琪昨晚出席珠寶品牌CARAT*聖誕晚會的名模Rosemary則贊成揀圈外人：「冇問題！對我嚟講好新鮮，對方睇嘅嘢有唔同角度，教到我好多嘢。」問到與圈外男友拍拖比圈內男友少壓力？貝安琪坦言睇個人：「都可以有第二啲壓力，有啲人會唔明我啲呢行嘅工作。」提起男友時更口快快自爆有新戀情，已拍拖兩個月。至於Ana R.則表示曾聽聞Lynn有拖拍：「不過唔知係邊個，係一件好事。（致電恭喜佢？）結婚就話啫！」

Rosemary（左）與Ana R.不知熊黛林有拖拍，但對她再墮愛河感開心。