何佩瑜（Jeana）外表潮爆，但自認宅女的她原來已「不愛夜蒲」，閒時躲在家中鑽研廚藝，更深信老火靚湯可箍實男人的心同胃！

咪睇Jeana外表硬朗，但其實佢有潛質做個賢妻良母，皆因練得一手好廚藝！

Jeana輕撥髮絲，盡顯無限柔情。

Jeana閒時會下廚煮番兩味。

擁有34C、24、33驕人身材的Jeana卻有「賢妻良母」的內涵，愛親自下廚招呼三五知己聚餐的她祖籍北京，閒時會搓麵粉炮製餃子懷念家鄉風味，近日更鑽研煲老火湯妙法，神級廚藝成功在望：「學緊煲花膠、鮮奶燉雞咁啦！發覺好食材先係最緊要，雖然依家單身，但相信老火靚湯真係可以箍住男人個胃同心！」

以往「戀愛大過天」，Jeana試過花心思製造浪漫：「想同佢燭光晚餐撐枱腳，入廚房忙完一輪，因為唔想有陣油煙味，搞掂即刻衝入洗手間由頭洗到落腳，又會Dress-up同化好妝，播住音樂享受二人世界… …」雖然感情方面仍未有着落，但她非常享受單身生活：「起碼唔使下下Check住電話，好影響情緒。」

忘年戀無疾而終

Jeana坦言對未來充滿憧憬：「好想衝出香港，有機會去外國體驗生活，喺海邊嘅小餐廳做侍應。（接受到另一半係外國人？）OK呀！我中學讀Band One學校，簡單英語對答難唔倒我，哈哈！以往都試過同外國人拍拖，對方大我好多，係銀行高層，喺蘭桂坊識，可能因為當時我得19歲未Ready，慢慢無疾而終。」視張國榮（哥哥）為頭號偶像的她，近日找來朋友教電子琴，閒時會演奏哥哥金曲自娛一番，這樣的Jeana可謂性感而感性！