今年台慶的「最佳男配角」屬三雄之爭，去年勇奪男配的許紹雄憑《使徒行者》中歡喜哥一角成為頂頭大熱、張繼聰在《忠奸人》奸到出汁，蔣志光則在《老表，你好hea！》成功翻身！

許紹雄
今年台慶男配屬許紹雄、後起之秀張繼聰以及唱得之人蔣志光三雄之爭，實在難分軒輊。

張繼聰

蔣志光

許紹雄（中）靠歡喜哥一角贏盡民心，成為頂頭大熱！

每年的無綫台慶頒獎禮「最佳男配角」獎，均引發一眾實力派演員激烈競爭，但今年的三位熱門人選許紹雄（Benz雄）、張繼聰及蔣志光（阿蔣）均選擇以平常心看待。許紹雄去年憑《My盛Lady》中香善男一角奪得男配角獎項，今年《使》劇不論口碑及收視均好評如潮，許紹雄飾演的覃歡喜奸得來夠善良，播出期間引起不少網民回響，鮮有做奸角的Benz雄盡得民心，「冧莊」呼聲甚高！但他接受電話訪問時卻搞笑地說：「哎吔！舊年都攞過啦！信心一定有，不過第二個啦，人人有咪開心！唔係對獎項唔重視，有就開心，冇都唔會失望！」

阿聰Sell性格

而後起之秀張繼聰加入TVB的日子雖然不算長，產量多的他形象逐漸入屋，奸角及搞笑亦得心應手，今年他憑《忠奸人》入圍男配，自認並非「Sell靚仔」的他坦言沒想過與任何人爭長短：「我『Sell性格』！到時我入場係想近距離做觀眾，諗咁多咪搞到自己到時騰騰震！我做戲夠爽、夠狂妄，因為我冇包袱，仲有係因為我提供唔到靚仔呢樣嘢！」

高音自認被動

入行多年的蔣志光雖然是綠葉，他在《老表，你好hea！》中以高音一角「重出江湖」揸咪唱歌，成功將多年前與韋綺姍合唱的《相逢何必曾相識》翻紅，熱爆跑出入圍男配，演技得到觀眾激讚之餘，更成為網民熱話！

但阿蔣直言獎項對他並不重要：「獎項其實只係對觀眾同頒發者重要，觀眾都相信自己嘅眼光判斷，頒獎者就要達到大家期望，我都係被動嘅一群！」