藝人陳偉成（Avis）與泳兒等昨日出席雜誌《HMViSS》派對，問到是否獨自慶祝聖誕？Avis說：「係呀！成世人第一次！」提到舊愛尹蓁晞（Yumi）早前在微博自爆蜜運中，他表示不知情：「依家先知，真係恭喜佢啦！」但亦不忘「抽水」：「見佢好似圓潤咗好多，感受到我間Fitness幫佢纖體瘦身嘅威力，仲可以代表到唔做運動嘅人就會變成咁！」

陳偉成寸爆舊愛Yumi肥，認真唔畀面！

泳兒透露明年舉行音樂會，屆時或會翻唱舊歌。

對於被舊愛出言諷刺，Yumi透過電話回覆表示很久沒到對方的健身中心：「我之前減肥成功唔關佢事。」問到會否介意對方分手後仍要「抽水」，為中心宣傳？她口說不介意，但希望對方不要說不實事情，又澄清現時仍然單身：「其實同嗰個男仔了解中。（有發展空間？）了解吓先，唔想一齊咗先發覺唔夾。」