蔡思貝擂台「咿挹」好輕鬆

前港姐蔡思貝（Sisley）在無綫劇集《名門暗戰》演泰拳手，首次在劇集亮相的她興奮又緊張，對拍劇充滿好奇心！她從錯誤中學習，曾在拍喊戲前未拍先喊，到真正埋位卻因情緒溜走而不甘心，幸得同劇的視帝黎耀祥指點，她說：「佢同我講：『你人生流流長，要拍喊戲仲有千千萬萬場啦！使乜咁介意啫！』又教我唔應該埋怨自己拍得唔好，只要肯定下次做得比今次好就可以！（怕被彈？）預咗喇！彈都係好事，因為彈咗先知道自己有咩唔好！」Sisley今次獻上螢幕初吻，她分享與蕭正楠在擂台上演親熱戲的點滴：「拍嗰時唔緊張，佢哋個個都喺度講笑，最後好輕鬆就完事。」更自爆拍吻戲前吃過泰菜，但刻意避吃生蝦免有口氣，可說做足準備。