音樂人韋啟良（Tomy）曾於《香港電影金像獎》中獲得「最佳電影音樂」獎項，醉心電影配樂的他將設立配樂工作坊培養「接班人」，更「揼本」邀請田啟文、劉偉強及郭子健等擔任「星級」評審！他說：「冇咩人注重電影音樂，但如果電影冇咗配樂會好難睇。」Tomy透露將在工作坊中教授配樂版權及技巧等，更增設甄選環節，田啟文則笑稱要為新人「開路」：「配樂呢行識唔到人就冇門路入行，而音樂人又鍾意『宅男式』咁匿埋自己諗嘢。難得Tomy肯帶頭企出嚟搞專屬於配樂嘅活動，所以我一口答應佢做評審！」Tomy曾為逾百套電影進行配樂，他預告明年將舉行作品音樂會：「暫時邀請咗張學友、陳潔靈同泰迪羅賓等上台玩，順便喺台上敍舊！」

韋啟良（左）邀得田啟文為工作坊任評審。