鄭佩佩憑外國電影《輕輕搖晃》提名《英國獨立電影獎》女主角，佩佩姐為追求更有真實感的中文對白，不惜與導演齊齊「度對白」：「西片有時啲中文對白翻譯得差。」　

佩佩姐《輕》中的兒子為男同志，內心戲非常複雜。

導演許泰豐被佩佩姐笑唔識中文。

佩佩姐與男主角之一的Ben Whishaw不乏對手戲。

憑外國電影《輕輕搖晃》提名《英國獨立電影獎》女主角的演員鄭佩佩，日前透過電話接受記者訪問，提到《輕》片屬同性戀話題電影，問到可有抗拒？佩佩姐說：「其實喺西片嚟講，呢樣嘢好普遍，不過今次就從家長角度出發，描寫一個保守嘅英國華僑點樣睇自己個仔係同性戀呢件事。」而現實生活中的佩佩姐思想開放，與戲中角色不一樣，她認為應以「小朋友開心」為大前提對待子女：「要尊重小朋友嘅選擇。」

前年到英國拍攝之前，佩佩姐除了着力了解英國華人的保守心態，更為求真實感不惜與導演透過視像通話開會「度對白」，她說：「西片有時啲中文對白翻譯得差，唔夠地道，加上個導演唔係好識中文。」

講劇本唔講金

對於首次以個人名義獲得國際性提名，佩佩姐表示非常開心，但對於奪獎卻抱平常心：「有提名已經係最好嘅認同。」她更透露為出席下周日於英國舉行的《英國獨立電影獎》特地做了一套新戰衣！問到何時再參演香港電影，以協助本港電影新人？佩佩姐笑說：「我時時都有幫！不過一定要睇劇本先，如果有好劇本，我拍到都覺得光榮。（唔睇錢？）主要睇題材同內容。」