已育有一女的鄭中基（Ronald）今年九月在社交網站報喜，透露將再為人父。日前《ontv東網》追蹤部隊發現Ronald陪同懷胎六個多月的太太余思敏到中環產檢。余思敏雖然腹大便便但仍面尖尖及手腳纖幼，只見她翹實老公，更將下巴枕在老公膊頭上撒嬌，而Ronald則取出手機聯絡司機，其後拖着老婆走到較前位置，扶實老婆登車回家。

鄭中基被拍得陪老婆到中環做產檢，認真廿四孝！

余思敏翹實老公鄭中基，Sweet到爆！

早前有指余思敏為晒命而故意搬到Ronald前緋聞女友楊千嬅入住的屋苑，令Ronald愁爆，對此他的電影行政總監田啟文說：「嗰日鄭中基同編劇研究劇本，愁乜嘢呀？搬屋係因為佢住緊嘅淺水灣要裝修，已經搬返去，唔好自編自寫，話晒牽涉兩個家庭，做乜無啦啦拉埋人哋個家庭嚟寫！」