名模Amanda S.與陳嘉容(Eunis)日前出席活動,甫見面即傾個不停,非常投契!Eunis向《ontv東網》自爆聖誕有節目:「24、25、26號都約晒朋友玩,啲女仔朋友知道我單身,就話有Party要介紹男仔畀我識,真係好有心!」

Amanda S.(右)與陳嘉容在活動上全程有講有笑,唔通正分享溝仔心得?

而Amanda則坦言臨近聖誕,餅店生意特別忙,她已有四年沒有過聖誕。問到今年會否分外孤單,她說:「年年都一樣,聖誕要做嘢,有老公嗰陣,我都係一個人喺廚房同舖頭幫手。」她又坦言沒有追求者,問到會否考慮跟Eunis一齊去派對識男仔,她笑說:「有時間都想去,不過我要做嘢,想都冇用。」此外,Amanda晚上亦性感打扮出席頒獎酒會,令人眼前一亮!