大熱歌曲《越難越愛》唱到街知巷聞,主唱者吳若希(Jinny)憑此接Job接到手軟!Jinny為回饋歌迷決定努力賺錢,更甘願犧牲假期!

吳若希憑《越難越愛》人氣急升,接Job接到冇停手!

《越難越愛》大受歡迎,帶挈Jinny得獎,工作排到密麻麻。

女神Jinny為電視劇《使徒行者》主唱片尾曲《越難越愛》,該曲大受歡迎,除了榮登網上排行榜冠軍逾一個月及YouTube點擊率超過300萬外,早前更在馬來西亞頒獎禮奪得最佳劇集歌曲獎,Jinny相當滿意成績:「除咗香港,喺內地同馬來西亞都好受歡迎,身邊朋友都好支持,我有信心之後再攞獎!」此外,她最近又推出精選唱片,成績不俗,得到iTunes網上預購榜首名外,在大型連鎖店的銷量榜亦稱冠。

隨着歌曲爆紅,Jinny獲得更多工作機會,已接下多個商場活動、私人晚宴、澳門及內地商演等:「我一定會畀心機,賺到錢再回饋大家!」

日本公幹當度假

她會在工作中度過聖誕節及新年,又會抽空與「巨聲幫」成員許廷鏗、胡鴻鈞及林欣彤遠赴日本札幌拍攝旅遊節目,笑言可以寓工作於娛樂:「當係去旅行,仲有幾個相熟嘅人陪,一定會玩得好盡興!」另外,她將於本月7日舉行入行後首個簽唱會,心情既興奮又緊張!