羅力威搭車愛讓座

羅力威日前出席在荃灣舉行的關愛老人活動，問到威威平日有否與老人家接觸？他說：「冇咩，主要係因為成長環境嘅關係，有啲人係由老人家湊大，但我唔係，所以一直都同老人家冇咩交流，但大個之後開始覺得父母都會變成老人家，依家對老人家都會多咗關心。」他又談到平日搭車見到老人家都會讓座，但多數時間都寧願多站一會，讓位給有需要的人：「其實我搭親車幾乎都係企，有位都唔會坐，我哋啲後生嘅企吓冇咩所謂。」