歌手何雁詩（Stephanie）和張子丰（Fred）拍攝合唱版MV，由於當天海邊風高浪急，Stephanie的短裙被強風吹到飛起險走光，幸好有Fred護花幫手裙仔，不過這少少的身體接觸，已令怕醜的Fred面紅。

Fred拍MV時對何雁詩照顧有加。

Fred拍MV，挑戰一Shot過。

何雁詩（左）日前舉行新碟簽名會，巨聲好友林欣彤（中）和陳慧敏親臨打氣。

何雁詩和張子丰日前在拍拖勝地赤柱拍攝合唱歌《線上情歌》MV，是次MV由Fred親自操刀，更是他自編自導自演之作，Fred說：「靈感嚟自早前參與好友許靖韻一Shot過嘅MV，覺得好刺激、好好玩，於是呢次就放喺我同Stephanie嘅MV上，同佢一齊向難度挑戰。」

要求一Shot過

拍攝當日落微雨又大風，Stephanie穿的短裙隨風飄起險些走光，由於要一Shot過，拍攝前所有工作人員都要避鏡頭，所以惟有靠Fred出手整理，Stephanie說：「我一早知道要拍一Shot過係好有難度，因為一錯咗就要從頭再嚟過，所以我每一刻都盡力做到最好，但今日真係太大風，啲風係咁『車』埋嚟，我唔止頭髮亂晒，連條裙都係咁吹起埋，想出手住又唔得，因為會NG，所以唔知點算，好在有Fred幫手，唔係就醜死怪。」

不過，Fred就對這飛來「艷福」怕怕，因他擔心被誤會抽水，他說︰「只得我可以幫佢整條裙，但我又驚掂到佢，佢會嗌非禮，同埋我好怕醜，所以尷尬到面紅。」