男子組合Gentlemen近日趁假期舉辦扮嘢派對,朱尉然(Andy)及陳國靖(Angus)化身Chok爆特種部隊,而趙汝東(Roy)、黃廸(Dick)及吳曉高(Hugo)則扮「白面喪屍」。Andy大爆成員瞓身揼本扮嘢:「我哋專登去服裝舖買,平均每人使咗三位數字!我同Angus仲買晒手銬同防彈背心做喪屍獵人!」Roy則指化爛面妝致滿面紅印:「我買咗印水紙貼面,面上啲假血漿仲捽咗好耐都唔甩,搞到塊面好耐仲留住紅印!」Andy大爆Roy不斷被成員整蠱:「佢花名係BB,因為佢好大懵,好需要人照顧!」Hugo則指他們正忙於準備年尾推出的EP,上月開始拍攝新歌《讚》MV。

Gentlemen為扮嘢搏到盡,化爛面妝的=Roy結果滿面紅印。