徐子珊、馬德鐘及朱千雪近日為新劇《以和為貴》拍外景，劇中患自閉症的朱千雪要大跳Gwiyomi賣萌冧仔，她大呻事前沒預計Gwiyomi難度這麼高，拍攝前要狂播Gwiyomi歌「洗腦」！

朱千雪大跳Gwiyomi扮可愛冧仔，Kawaii呢！

馬德鐘與徐子珊歡喜冤家大鬥法。

朱千雪大呻被Gwiyomi舞步考起。

有內地旅客衝入拍攝現場要求與馬德鐘合照。

徐子珊、馬德鐘與朱千雪近日到土瓜灣一間車房為無綫劇集《以和為貴》拍攝外景，劇中扮演自閉症角色的朱千雪要跳Gwiyomi舞步賣萌，拍攝學習扮可愛冧仔的戲份，原本她以為Gwiyomi難度不高，但跟短片學習時卻發現比上台跳舞更困難，臨開機前她要狂播Gwiyomi歌「洗腦」，藉此記熟舞步。

懶Cute勁尷尬

在劇中扮可愛的朱千雪坦言初時感到尷尬：「平時唔會扮可愛，估唔到Gwiyomi咁難跳！以為只係幾個簡單動作，但係又要做動作又要扮可愛就好難協調，自己都喺屋企練咗好耐！」朱千雪與徐子珊再度合作，除已建立默契外，一眾演員亦充滿幽默感，爆肚發揮令對白更生動！問到她能否接得住其他演員的爆肚﹖她笑說：「劇裏面講我係自閉，有時接唔到大家咪當我無厘頭喺度搞笑！」

內地客搶集郵

而徐子珊與馬德鐘則由歡喜冤家演到情侶，更不時爆肚互窒，子珊說：「呢套係喜劇，所以大家都希望加少少嘢令套劇更有喜劇效果，好彩都接得住！」在車房開工期間，馬德鐘突然被路過的內地旅客發現，旅客即衝上前要求合照，十分熱情！