謝霆鋒前日以代言人身份出席英皇新樓盤發布會後，當晚相約老闆楊受成及容祖兒歎法國菜敍舊。霆鋒甫見記者拍照，即貫徹Chok爆作風，單手插袋離開。

霆鋒與楊受成（右）在餐廳共膳，順道交流做生意心得。

霆鋒Chok爆上車，離開前不忘向記者揮手道別。

容祖兒不敵寒風，步出餐廳後加快腳步離開。

近年甚少留港的謝霆鋒，最近成為英皇集團（國際）有限公司新樓盤「維港峰」委任項目代言人，前日以一身型佬打扮出席最新樓盤發布會，賀樓盤開售大賣。同晚，他相約好友容祖兒及老闆楊受成到跑馬地一間星級法國餐廳共膳兼慶祝。

單手插袋疾走

三人邊食邊傾，雞啄唔斷，已是CEO的霆鋒不時向老闆請教生意經。至晚上10時許，眾人醫飽肚後離開，步出時甫見記者拍照即笑笑口打招呼。當晚氣溫驟降，祖兒披頭巾、穿大褸步出時，但仍被冷風吹得瑟縮，其後向老闆與霆鋒揮手道別後便急急上車離去，尾隨的霆鋒則繼續Chok爆，單手插着袋上車，記者昨日致電經理人Mani，她說：「其實都係普通食飯，冇乜特別，因為大家好耐冇見，霆鋒聽日（今日）又要走，所以約埋一齊食飯聚一聚！」