無綫小花何傲兒（Lily）昨日身穿低胸短裙出席聖誕活動，大晒三吋事業線！她與周子揚戀情早前「見光死」，曝光14日後便宣布分手，但有指二人早前蜜遊首爾明洞，期間舉止親密，問到是否翻撻轉玩地下情？她即用家姐何傲芝做擋箭牌，堅稱只是陪家姐到當地開會，湊巧遇上周子揚：「去韓國唔係明洞就東大門，其實都撞到好多同事！」問到有否被「前男友」攬腰？她堅稱只是角度問題：「一定冇攬到腰！」強調共膳後已各散東西，又堅稱從沒考慮翻撻。

何傲兒咩都用「角度問題」做藉口，可信性似乎唔係太高！

此外，提到《東網》記者早前拍得何傲芝在車廂激咀富二代張明偉，Lily以同樣招數為家姐擋駕：「嗰個都係角度問題，百分百係角度問題！」又辯稱家姐當時只是伸頭到車廂後拿東西。