剛為人夫的歌手蘇永康昨日相約好友鍾鎮濤（B哥）及杜德偉到銅鑼灣歎茶，他表示太太婚後到上海工作，今日返港，心情大好的他拿着禮物說：「B哥真係好有心，嗰日嚟唔到飲，今日送結婚禮物畀我！」對於張衞健在婚禮的After Party醉到要抬上車，他搞鬼地說：「健仔佢應該醒o架啦！」而B哥被問到送了甚麼禮物給蘇永康時，他說：「鑽石啦梗係！好大粒o架！」另外，健仔昨日受訪時表示未完全酒醒，被指在婚禮上未能攝位飲「新抱茶」而改飲「新抱酒」的他自言酒量很差：「飲三杯已經好High，食飯嗰時冇飲，去到After Party就好開心，連續飲咗十杯紅酒。」

蘇永康（中）相約B哥（左）及杜德偉歎茶，收到B哥送的大禮！