警方昨午1時許接獲陳姓男子報案，聲稱與一名居於中環亞畢諾道某單位之女性友人失去聯絡多日，擔心好友在寓所暈倒。警方到場調查，冇人應門，遂召消防員到場破門，但發現屋內冇人，事件列誤會案件處理。肇事單位正是名模Mandy Lieu之住址，記者趕至現場採訪，但未見Mandy 現身。

未知Mandy知道寓所被破門後有何反應呢？（資料圖片）

鍾麗淇被發現從Mandy寓所的大廈步出。

記者致電Mandy，惟未能聯絡上，其經理人Marie在電話中解釋：「Mandy有個男性朋友連日來搵唔到佢，好擔心，跟住打電話報警，報警後消防員到Mandy住嘅大廈，樓下看更打畀我，我即時去現場，消防喺佢住所破門，入到去屋企冇人，間屋冇被破壞。」Marie表示等到消防員及警方離開後，隨即幫Mandy更換門鎖。問到Mandy會否被人整蠱？她說：「應該唔會，誤會啫！唔好諗到咁複雜。（Mandy依家點？）暫時未聯絡到佢，佢依家放緊假，放到下年一月。（依家呢個誤會係咪Settle咗？）佢香港冇親人，有咩我可以幫佢處理，Settle咗啦。」記者在Mandy寓所守候期間，發現鍾麗淇由大廈步出，問到是否來探Mandy？她笑笑口說：「唔係呀！我有朋友住呢度，嚟探朋友。」