藝人衛詩雅、陳家樂及趙碩之等昨日出席活動，擁有車牌的衛詩雅想在婚前買跑車，問到是否有結婚打算？她笑說：「唔係，不過我諗男同女都會想試吓擁有一架跑車。（感情生活點？）暫時未有，但有合適嘅追求者。」她又自爆早前有艷遇：「之前喺金鐘泊車，有個外籍人士走嚟話我架車改得好靚，之後我走咗再返去攞車，發現佢貼咗張字條喺我架車嘅倒後鏡話想識我，仲留低咗聯絡方法，我覺得好Sweet，原來架車改得靚，桃花都會多啲！」

衛詩雅希望在婚前一圓揸跑車的心願。

而趙碩之被問到與男友好事近時笑說：「冇咁早，我哋都係拍拖半年，不過進度幾好。」她又指男友在溫哥華長大，早前曾到當地探望對方父母，並住在「未來老爺奶奶」家中。問到現在是否與男友同居？她說：「鍾意就去佢嗰度，最緊要大家夾！」