首次為「維港峰」擔任代言人的謝霆鋒，提起王菲時即報以甜笑。他承認密斟買樓築愛巢，並坦言買樓最緊要廚房設備齊全，實行每日一道「鋒味」冧女主人王菲！

霆鋒身穿啡色西裝，Chok爆出席代言活動。

未知王菲會否來港與霆鋒共度聖誕？

謝霆鋒昨日身穿型爆啡色西裝外套現身戲院，出席英皇集團（國際）有限公司「維港峰」Upton委任項目代言人儀式新聞發布會，大會即場播放霆鋒為樓盤拍攝的廣告，於片中穿鴛鴦袖西裝的霆鋒，手執權杖，更Chok爆踢水花。

未諗慶祝聖誕

對於首次擔任樓盤代言人，霆鋒坦言對居住環境要求很高，談到心目中的Dream House，愛入廚的他希望廚房比睡房更舒適：「如果有景就最好，我最想都係廚房喺我未搞之前已經好齊全。我返屋企就煮嘢食，加上我都好少留喺廳。」

霆鋒又承認考慮購入「維港峰」單位，問到業主會是誰時，即甜笑兼口窒窒說：「未呀！都未入去睇。」至於是否與王菲在港築愛巢？他說：「唔答呢啲嘢啦！」提到妹妹婷婷爆料指王菲將來港過聖誕，霆鋒遲疑5、6秒後才說：「佢唔係呀，我過幾日都要飛去葡萄牙拍廣告，唔清楚點過。」至於婷婷甩拖，霆鋒透露早前曾與她在新加坡見面，但沒有安慰對方。

童童與男友人Jam歌

此外，有指霆鋒與王菲早幾天同遊雲南。而王菲女兒竇靖童前日於微博上載一張與男性朋友彈結他的照片。