陳嘉桓（Rose）、周柏豪、廖啟智及黃芷晴等前晚出席電影《販賣．愛》首映，柏豪更獲好友官恩娜及連詩雅等撐場。首次擔正的Rose身穿低胸裝上陣，她大爆在片中獻出多個第一次，包括裸背、床戰智叔及將銀幕初吻獻給柏豪：「同智叔有肢體交流，錫同攬，仲將第一次Kiss畀咗柏豪，柏豪仲笑我做咩咁震！（覺得蝕咗？）唔會，佢咁靚仔！今次有好多內心戲，以往我拍打戲多，今次角色有新鮮感。」

身穿低胸裝的Rose搶盡「峰」頭。

周柏豪（右起）獲好友官恩娜及連詩雅等撐場，認真畀面！

智叔坦言同Rose拍床戲令他十分尷尬。

問到智叔與Rose拍親熱戲時突然咳嗽，是否「起痰」，他笑說：「我咁多年都冇拍過咁嘅床上戲，有少少尷尬，好似父女咁，但一Roll機就唔記得。」而計劃做導演的柏豪透露，會暫時拍MV過導演癮，問到是否已秘密寫劇本，他即以其花名「大文豪」講笑：「你知我出名係寫嘢o架啦！」