蕭正楠（Edwin）、黎耀祥（祥仔）及岑麗香（香香）等昨日在尖沙咀錄影無綫節目《明星愛廚房》，Edwin大爆常為自認「大食」的女友黃翠如下廚：「佢食量大過我，但我覺得佢偏瘦，所以都會煮多啲分量，逼佢食多啲。（佢成日去你度食飯？）係，我會煮飯！」問到會否向女友傳授廚技，他笑言對方較適合「洗鑊」：「佢負責洗鑊好啲，聽佢語氣就知佢唔肯定煮緊咩。」他自爆曾建議女友上烹飪班，更品嘗過女友烹煮的「生牛扒」。

Edwin自爆煮得兩手，咁女友黃翠如一定可以大飽口福！

香香希望搵到個「入得廚房」嘅型男做另一半，睇嚟佢要努力啲喇！

祥仔（左）與陳智燊在鏡頭後玩自拍，十足大細路。

而熱愛下廚的祥仔則盛讚香香為人賢良「食得」，問到廚藝了得的男仔會否在香香心目中「加分」，香香即笑言對方應煮飯及洗碗「一條龍」服務，而身旁的祥仔則不禁取笑她似乎需要找「賓仔」多於男友。