楊千嬅日前為新歌《好不容易遇見愛》拍攝MV，更出人情牌邀請好友陳慧琳（Kelly）特別演出，千嬅很感激Kelly爽快答應。她們同期出道並相識近20年，Kelly更是千嬅首個紅館演唱會首位出場的嘉賓，當時為令觀眾驚喜，千嬅更要Kelly開騷前在台上掃地，故兩人有段「掃地情緣」！

相識近20年的千嬅（左）和Kelly大談當年的「掃地情緣」！

拍攝當日Kelly自言埋位前有少少驚：「因為最初收到消息我要喺鏡頭前同千嬅嗌交，仲要鬧到佢喊住走。」千嬅則笑言是一場誤會：「其實係那些年嘅我同Kelly嗌交，我着唔番校服喇，所以呢部分唔使我哋去演繹！」而鏡頭前後兩位潮媽一直雞啄唔斷，不停大講扮靚和湊仔經。