曾與胡仔合作親子節目《爸B也Upgrade》的林盛斌（Bob）與胡仔和陳琪私下熟落，對於陳琪小產，再懷孕會有高風險，Bob昨日透過電話表示未有聽聞，但透露二人曾表示想生多個小朋友，因此感到愕然之餘也很可惜：「作為爸爸媽媽，呢個係唔開心嘅事，當你期待有小生命時，對於身心都係傷害，心靈上都需要Recover（修復），希望佢哋心情快啲平復。」

育有三女的林盛斌鍾意女兒多一點。

育有三女的Bob亦感恩太太分娩順利：「我覺得仔百厭啲，女就乖啲，畀我都會揀生女，自己都冇話一定要追仔，其實女係會黐身啲，有時返到屋企都要陪佢玩。」他又希望陳琪早日康復，將所有心機、時間及精力投放在兩個女身上，並表示最重要是一家人平平安安。