魔術師甄澤權（Louis）前晚在九展舉辦魔術騷《世界魔術巡迴之旅 香港站2014》，全場3,000座位爆滿，Louis準備了多個驚險魔術表演及六合彩預測魔術，鍾嘉欣及Louis首席兼唯一弟子陳嘉寶（Anjaylia）亦上台參與演出！Anjaylia身穿白色長裙赤腳登場獻技，負責表演撲克魔術，手法純熟沒有穿崩！其後Louis用畫板變出另一個嘉賓鍾嘉欣，更施法將她升至半空，最後白布一拉，嘉欣更整個消失，全場拍爛手掌。

Louis將鍾嘉欣從畫框中變出來，令人嘆為觀止！

Louis施法將鍾嘉欣懸浮至半空，看得觀眾屏氣凝神。

Louis透露今次投資七位數，但近日練習時卻不慎受傷，他大讚Anjaylia勤力又聰明，問到何以兩位女嘉賓都赤腳登場，他笑說：「唔似仙女咩？同埋盡量唔好高過我啦！」而Anjaylia則表示首次表演驚到震：「要扮定，到後台隻手仲震緊。（之後想學咩？）師傅話女仔鍾意啲可愛啲嘅嘢，但我都想學劍同逃脫。」