事業升呢的王祖藍最近再獲導演葉念琛垂青,計劃撮合《老表,你好hea!》演員開拍電影,但祖藍有感事業已大幅升呢,片酬竟獅子開大口叫價300萬港元,嚇到導演兼老闆葉念琛打算飛他出局!

因片酬問題,未知祖藍會否接拍電影!

導演葉念琛計劃起用王菀之(圖)及張繼聰拍戲。

張繼聰

祖藍與家燕姐出席開幕典禮,席間不忘為台慶獎項拉票。

喜劇演員王祖藍年前在綜藝節目《荃加福祿壽》扮嘢扮到知名度大增,近年更進軍內地參與模仿騷,身價數十級跳,由昔日的五位數字暴升至逾百萬元,最近更在內地節目《奔跑吧兄弟》吸金400萬人民幣(約520萬港元)!

為錢拉鋸

據知,導演葉念琛睇中熱爆劇《老表,你好hea!》一眾演員,計劃起用主角祖藍、王菀之(Ivana)、蔣志光、張繼聰及陳嘉佳等,再加入型男周柏豪,開拍以女警為題材的新片《沒女神探》,由Ivana擔正演「沒女」女警,蔣志光飾演像《新紮師妹》中許紹雄的「方中Sir」,不過祖藍能否參演仍有變數,據知他覺得事業已升呢,竟叫價300萬元片酬!祖藍及葉念琛「識於微時」,2006年合作電影《獨家試愛》,2009年開始冒起的祖藍擔正阮世生執導作《矮仔多情》,收約50萬元片酬,至去年祖藍及葉念琛再合作拍《Delete愛人》,祖藍已升呢收150萬元,但今年他竟開價要求300萬元,比不少一線影星還要高,令葉念琛及電影公司相當頭痛,有意將他飛出局!

葉念琛昨日承認因價錢問題仍在拉鋸中,但仍未會放棄,希望繼續以誠意打動對方:「我仲同佢公司同佢本人傾緊,唔會放棄住,佢唔係客串,係有一個角色。(搵人取代祖藍?)唔會!根本冇人取代到,錢都諗緊辦法。」問到祖藍是否大幅加價?葉念琛未有正面回答:「佢忙吖嘛!又拍內地節目又要籌備婚禮,至多我做大份啲人情囉!」雖然祖藍片酬加價,但他最近亦抽空義助多名新進導演審視劇本,並非一切以錢行先。

認會避孕

另外,祖藍昨日與薛家燕出席活動,呼籲觀眾支持他們角逐台慶頒獎禮「最佳節目主持」及「最佳綜藝節目」。祖藍透露與未婚妻李亞男將到馬爾代夫再影婚照兼度蜜月,並澄清與外母關係良好,但坦承婚後會避孕。家燕姐則笑言明年2月14日會出席「藍男婚禮」,謝絕一切約會。