周柏豪昨日率領球隊參加十分鐘賽時的《adidas街頭三人籃球賽2014》，球隊取得十三分，惟最終以一分之差落敗。雖然無緣進身決賽，但他未感失望，更指以玩樂心態參加：「我哋球隊做音樂比較在行，今次當嚟玩吓，輸贏都冇所謂！（個人獨取五分？）總算對到場嘅Fans有交代！」貴為「男神」的他未有錫身，更不會「揸流攤」：「我好搏命嘅！頭先仲畀手月爭撞到塊面！」並透露早前練後空翻時弄傷腰骨，現時定期接受物理治療，因為男人條腰相當重要。問到最近有否找好友余文樂練波，他說：「之前有時間都有嘅，不過呢排大家都忙！」

「男神」周柏豪落力比賽，個人獨取五分，叻仔！