吳千語及林德信（Alex）前晚到旺角出席新片《青春鬥》首映，問到男友林峯會否擔心她到警方口中的「高危地區」？千語BB說：「佢都唔知我落旺角！我都預早咗好多落嚟，因為怕塞車。（會喺旺角購物？）喺呢度買爆谷算喇！希望大家支持套戲，我吊咗幾個禮拜威吔，係好新嘅體驗。」而Alex落旺角則有「兩手準備」：「我揸車由油麻地嗰邊過嚟，幾暢順！架車泊咗喺停車場，萬一有事，我搭港鐵走囉！（揸車方便購物？）我都係買爆谷算啦！我喺戲中唔識打，純搞笑，剪咗個傻傻髮型，朋友睇見我海報個Look都話Cute，叫我唔好轉，但有Friend就話唔認得我。（緋聞女友松岡李那唔認得？）好多人都唔認得啦！」

千語BB瞞住林峯「殺」入旺角買爆谷。

林德信興奮地與自身海報合照，實行立即變樣亦得！