本地一個關注癌病的機構昨日舉行慈善跑,邀得容祖兒及歌手鄺祖德任嘉賓,第三年出席活動的祖兒說:「媽咪因為病休息咗好幾個月,起初有少少擔心,好彩依家冇事,小病是福!以前都會食零食飲汽水,依家戒晒,凍嘢都唔食。」

祖兒早前於鄭希怡婚禮搶得花球,男友師兄(右)則在「遠處」望到實!(資料圖片)

注重健康的祖兒「揀飲擇食」,並戒凍嘢養生。

提到明日娶妻的好友蘇永康,祖兒表示會出席婚宴:「師兄(男友劉浩龍)會做兄弟,我淨係去飲。」問到會否搶花球?她笑說:「又搶?不過係高興事,如果有咪要囉!」對於有傳謝霆鋒與女友王菲到賀,她高呼期待:「一直都只聞樓梯響,好想睇吓到時霆鋒個樣,佢平時好Chok,今次應該收埋,得個幸福樣,肯定好精彩!」