TVB新紮演員阮兒今年選擇到土耳其伊斯坦堡旅遊，問到為何選擇土耳其，她說：「我覺得土耳其畀我嘅感覺好神秘，我喺當地參觀咗好多間清真寺，其實女士唔可以內進，但因為依家好多遊客，所以就可以入去，但女士要包住所有手手腳腳，而且要喺特定嘅時間先可以入清真寺！」

阮兒入鄉隨俗，包頭進入清真寺。

阮兒最難忘在海邊眺望，實現「亞歐共融」。

在土耳其旅遊期間，阮兒參觀了不少別具特色的建築。

問到對當地飲食的印象，阮兒說：「令我最回味嘅係當地嘅羊架，真係好好食！土耳其人好喜歡食羊，因為佢哋覺得羊肉係補身佳品，不過佢哋整羊就整得比較羶，所以唔喜歡食羊嘅朋友就要注意喇！羶嘅氣味都幾重，怕聞到嘅真係要掩住個鼻！」　

阮兒又指土耳其風景十分優美：「我喺伊斯坦堡見到嘅景色，令我印象最深刻嘅係我企喺海邊望，一邊係亞洲，一邊係歐洲，我即刻嘩咗一聲，好驚訝原來亞洲同歐洲可以咁近！當地天氣亦都好好，所以我推薦鍾意曬太陽嘅朋友考慮去吓嗰邊感受陽光！但土耳其人英文水平麻麻，我覺得大家去旅行嘅話跟團去會比較安全。」