形象硬朗的動作女星陳鈺芸（JuJu）自爆肌膚狀態一向麻麻，經常長粒粒以致妝容難以貼服，故她對於美容方面有獨特的見解：「護膚品固然重要，但空氣環境、飲食同休息比任何產品更加重要！我之前去新西蘭四個月拍《臥虎藏龍2》，接近咗大自然三個星期即刻冇晒粒粒，皮膚仲好水潤，唔化妝都好似用咗BB Cream咁！所以喺香港可以多啲去郊外同行山，或者喺屋企種多啲植物令空氣質素好啲。」她又透露有一個多年的簡單食療法：「早晚飲一杯250ml有機蜂蜜加半個檸檬沖嘅暖水，有排毒同美白作用。」

JuJu早前到新西蘭拍戲，呼吸新鮮空氣後皮膚立刻變滑！

JuJu不但愛打跆拳，也喜歡郊遊親親大自然。

別以為一身好武功的JuJu是名「女漢子」，其實她很注重肌膚健康。

陳鈺芸（JuJu）

至於瘦身方面，JuJu除善用鍾愛的跆拳運動來操Fit體形外，更會配合適當的食材加速效果：「一定要多菜少肉、少甜少碳水化合物，同埋食多啲豐富蛋白質食物，自然就可以令新陳代謝快啲，減少脂肪積聚。」