張智霖（Chilam）及太太袁詠儀（靚靚）昨日與田亮、葉一茜、何潔、赫子銘及韓國組合Super Junior成員金希澈，於韓國首爾拍攝浙江電視台夫妻檔真人騷節目《一路上有你》，期間Chilam為靚靚撐傘，靚靚則冧爆捉實老公，並露出甜蜜笑容，場面溫馨。另外，盛傳他們拍此節目有三千六百萬酬勞。

Chilam早前在訪問中表示，很久沒有與靚靚一起工作，亦很久沒有一起旅行，更自爆從未去過韓國。不過他亦有備而來，穿上黑色羽絨、戴墨鏡，被遊客認出後即揮手打招呼，又與女Fans合照，氹得Fans以普通話說：「太喜歡了！」靚靚則戴着手套，並伏在Chilam膊頭與拍檔揮手拍片留念。