黃芷晴與Jessica C.昨日性感上陣出席名錶活動，芷晴大騷事業線撼贏「警鐘胸」JC，她笑說男友認為有好嘢要大家睇，JC則為男友安志杰而封胸。

JC（右）低胸上陣，卻被騷事業線的芷晴搶去「峰」頭。

芷晴為家人及男友揀名錶。

為男友安志杰封胸的JC非常體貼。

黃日華女兒黃芷晴與名模Jessica C.（JC）昨日以低胸打扮現身天梭表活動，率先搶購限量版名錶。黃芷晴以低胸裙上陣，大騷四吋事業線，揮低有「警鐘胸」之稱的JC，她表示服裝由大會安排，並大讚JC：「佢係我女神，佢好靚，我哋喺後台有合照。」問她如此性感，事前有否問准男友？她笑說：「唔使問，佢多數事後睇報道先知，佢從來冇詐型，仲話好嘢要畀大家睇。」談及聖誕節，芷晴表示去年媽咪身體抱恙，所以沒有慶祝聖誕，故今年希望與家人慶祝，她昨日亦順道揀選手錶送給父母、男友及男友的父母，認真識做。

聖誕返美見家長

至於JC被問到性感程度遜於芷晴時，大方盛讚對方夠索，又指要為男友安志杰而封胸：「我唔想太性感，少少都可以，所以今日着長褲。（因為男友安志杰，所以唔想咁性感？）或者。（佢向你投訴？）從來冇，但作為好嘅女朋友要尊重對方。」她將於聖誕節返美探望家人，記者指安志杰也有家人在美國，她即甜絲絲說：「都係。（可以一齊去美國兼見家長？）我同佢傾吓先，或者啦！」