亞視過去不少大型節目都收視麻麻,但上周六舉行的亞姐決賽終吐氣揚眉,收視比平日高出三倍,有近20萬觀眾收看,亞姐出身的筱靖大讚亞姐具認受性,已舉行26屆,有一定觀眾支持:「我都係因為認識呢個選美先參加,證明係有認受性,今屆製作質素比往年更高,喺出面同人傾偈,都有人提起亞姐。」前亞姐張家瑩亦對成績大感雀躍:「希望之後節目都愈做愈好啦!其實我哋幕前或幕後都好有心機做節目,盡力畀新鮮感大家。」

張家瑩(左)和筱靖都對亞視前景感樂觀。

今屆亞姐收視威番次,有廿萬人睇。