日前《東網》ontv追蹤部隊發現洪欣與老公張丹峰帶同十三歲兒子張浩鋒及九個月大的女兒張晞彤，一家四口出巡到中環行街享受家庭樂，囡囡晞彤眼仔睩睩，不時腳撐撐四圍望，相當可愛，而兒子張浩鋒亦長得頗高，現時已生得與媽媽一樣高。初時晞彤由爸爸負責孭住，行了一會，張丹峰又將囡囡轉手畀哥哥，哥哥亦樂意幫忙，非常乖仔，於是兩公婆合力為兒子束好孭帶，然後一家四口找地方用膳。當洪欣發現記者即禮貌地主動上前打招呼，並說：「我哋依家搵個地方食吓嘢，頭先出面塞車塞咗半個鐘，所以返入嚟食埋嘢先。」

洪欣的兒子非常乖巧，不介意孭住妹妹行街。