藝人楊潮凱在無綫劇《再戰明天》中的「奀仔」角色甚為搶戲，然而他並不認為已上位，故不時裝備自己：「我係每階段咁進步緊，每套戲都有進步，但上位就要講天時地利人和。」他又表示做得演員，目標就一定是指向一線：「可以揀梗係做咗先，但好似李成昌咁做老戲骨都唔錯。」

楊潮凱認為「上位」要配合天時地利人和。

而現年29歲的他，上年年底與女友拉埋天窗，問到為何如此早婚？他甜笑說：「唔想畀行業框住我個人生計劃。（生仔呢？）呢個就遲啲，搏多一兩年再穩定啲先諗，老婆都想早啲生。」