梁小冰與李潤祺合演以性喜劇為題材的舞台劇，對於內容意識大膽，梁小冰坦言試過唸對白時不禁面紅及全身發熱，十分尷尬，她笑說：「我係香港小姐嚟o架！」

梁小冰與李潤祺合演以性喜劇為題材的舞台劇，相當富挑戰性！

梁小冰為了演好舞台劇，不惜拋低「香港小姐」的包袱。

李潤祺大讚拍檔梁小冰演出專業，令他刮目相看。

香港小姐出身的梁小冰與舞台劇演員李潤祺首度合作演出舞台劇《女上男下》，梁小冰坦言一向有留意對方的舞台劇演出：「我睇過佢演出舞台劇《誘心人》，當時已畀佢台上嘅魅力吸引住，佢好有男人味，好有安全感，如果要嫁就要嫁呢類型男人。」而李潤祺亦有看過梁小冰的舞台劇演出，當時曾想過合作，可惜未有機會，故焦媛早前邀請他們合作便一拍即合。

李潤祺讚專業

對於《女》劇以性喜劇為主題，對白及動作方面難免有點大膽和露骨，梁小冰表示整套劇演出兩個多小時，比起過往的演出為多：「今次好多對白要背，對我嚟講係高難度，好多急口令、節奏好快，大家互動默契好重要，所以要求不停綵排。」對於性話題的台詞和動作，她坦言起初綵排時有出現面紅和全身發熱的情況，並自問：「點解會講呢啲嘢嘅，我係香港小姐嚟o架！」其後才覺得對白只是透過性話題來帶出笑話。

而李潤祺大讚梁小冰演出專業：「佢真係畀到驚喜我，佢係一個好努力嘅演員，覺得佢好正經，話晒香港小姐好有形象，今次佢豁出去，估唔到佢可以做到咁放，令人刮目相看，佢配合到導演要求，亦會有自己意見。」