剛剛「升呢」為人妻的模特兒胡惠珊（Melanie Z.）日前特意學整Cup Cake，實行入得廚房、出得廳堂兼綁住老公個胃！坦言婚後不設防的Melanie，希望可以生一仔一女，過一家四口的新生活！

Melanie Z.細心地將裝飾放在蛋糕上。

Melanie Z.為了綁住老公的胃，特別學整Cup Cake。

Melanie Z.與老公結婚後一直相當恩愛。

名模Mandy Lieu旗下模特兒胡惠珊（Melanie Z.）於今年7月下嫁拍拖5年的英籍男友Jim，正式成為人妻的她，日前為了綁住老公的心，特別學整Cup Cake，實行要入得廚房、出得廳堂！

首次炮製Cup Cake的Melanie Z.在導師指導下，細心地將Cream擠到蛋糕上，並將裝飾品放在上面，雖然看似簡單，不過Melanie表示十分緊張：「平時我整開蛋糕同曲奇餅，今次咁樣整Cup Cake都係第一次，覺得好好玩，整Cream有啲難度。（會唔會整畀老公？）佢想食，我會整。」

感覺圓滿

Melanie透露婚後的生活沒有大分別，只是名分上有所不同：「其實同之前都係差唔多，感覺開心啲，同埋好似圓滿啲、正式啲。依家我叫佢之前都諗一諗，因為唔係叫男朋友，而係叫老公。」她又坦言婚後不設防，希望可以生一仔一女：「最想梗係生一仔一女，不過我哋順其自然。（生完之後會唔會唔做Model？）如果生咗小朋友，我當然想全職照顧，可能會間中接下Job同出席活動，因為都要賺奶粉錢嘛！」