鄧麗欣在新歌MV中化身變態連環殺手獵男模，因場面太血腥而被評為三級片，令她笑言「榮升」三級女星！她指男友方力申睇完可能失眠唔敢瞓，因意識相當大膽！

首映禮期間，Stephy手執刀刃即場扮演冷血殺手。

Stephy在MV中有大量血腥場面，非常驚嚇！

小肥和陳慧敏齊齊「支持」Stephy做三級星！

鄧麗欣（Stephy）前晚在九龍灣出席新歌《戒心》微電影首映，同屬太陽娛樂文化旗下的小肥、陳慧敏和As One到場支持。

浴血戲凍到硬軚

因她在微電影和MV中有殺男模等血腥場面，故影片被電檢處評為三級。Stephy說：「嗰時都有諗過會唔會畀人投訴話太恐怖要禁播，但估唔到評定做三級。」更笑言「榮升」三級女星，而稍後亦會有「善良版」MV出街。她又指男友方力申尚未欣賞該MV：「佢睇完可能會失眠，唔敢瞓覺。」

至於拍攝這MV是否辛苦？Stephy說：「時間好長，同埋好多血嘅畫面，但要就住唔整污糟啲衫。」但最辛苦始終是浴血戲，因為假血不能加熱水，所以很冷：「落到水我直情僵硬咗，唔郁得。」

Miki冇通知結婚

有傳好友楊愛瑾（Miki）明年結婚，問到有否致電恭喜？她說：「傳啫！我都畀人傳咗唔知幾多次啦！」又指如果是真，對方一定會告知：「如果佢唔講，我會嬲o架！」