名模Cara G.與丈夫Jesper、黃婉曼等昨日出席慈善活動，Cara透露聖誕會帶八個月大的女兒India到美國探望Jesper家人，又大爆囡囡極度頑皮，幾乎將家裏反轉：「佢好Crazy冇時停，愈叫佢唔好做佢就愈做，最鍾意入廚房將啲玻璃樽扔晒落地，所以我哋Block咗個廚房，但都唔Block得晒。佢又會將書架嘅書扔落地，衣櫃啲衫就拎晒出嚟，如果鬧佢仲會對住你笑。」

Ana R.（左）和黃婉曼提早迎聖誕。

問到可有計劃再造人？她笑說：「冇乜特別計劃，但我想再生，最少要三個小朋友。」

黃婉曼自言作嘔不適，又指還未適應新婚生活，問到是否有喜？她遲疑地說：「唔知呀！應該冇咁快，啱啱結婚一個月都冇，依家心情仲未平復。」至於如何慶祝婚後首個聖誕？她稱會學煮聖誕大餐給老公，並想跟老公去澳洲過熱辣辣聖誕，順道度蜜月。