名模周汶錡（Kathy）與樂基兒（Gaile）前晚出席活動，她倆均透露有兩至三部手機跟身，以便工作，問到可會向老公奪命追魂Call？Kathy說：「絕對唔會，我哋平日傳訊息多，如果老公打畀我一定係有大件事，例如車匙留咗喺車入面，或者出差搵唔到護照呢啲蝦碌嘢，佢就會打嚟求救。（你係佢半個秘書？）呢啲事就係，工作上就幫佢唔到。」她又否認是港女，強調不會追查另一半的行蹤，亦不怕老公出蠱惑。

周汶錡（右）與樂基兒結伴出席活動。

至於早前剛回復單身的Gaile穿性感黑色喱士透視裙亮相，問到是否愛玩自拍？她笑說：「唔知點解自拍得咁唔靚，同埋依家都冇人Send，影嚟做乜？」