張繼聰與黃翠如於台慶頒獎禮中是獲提名最多的男女藝員，分別提名五個及四個獎項，翠如笑言自覺四個獎項也是陪跑，屆時只好扮靚靚出席。談到男友蕭正楠及好友曹永廉均提名男配角，問她會投給誰時，她笑說：「我會投畀曹永廉，佢年紀大，唔等得。（祥仔話讓視帝獎畀蕭正楠，叫佢求婚？）唔使住，叫佢努力多幾年先。」

有四個獎項提名的黃翠如自覺陪跑居多，更投好友曹永廉一票。

張繼聰（左一）、蕭正楠及曹永廉（右二）爭奪男配角獎寶座。

至於張繼聰笑言自覺機會不大，但最恨攞的是「男配角」。談到以前歌唱事業欠佳，現時會否覺得吐氣揚眉？他說：「我最有經驗空手而回，啲人覺得我慘，但我不嬲覺得自己幸福。」而角逐「男配角」的曹永廉上台時獲全場歡呼，他笑說：「好開心！起碼唔係飛躍，其實係咪應該候選男主角？」蕭正楠笑說：「有阿廉好，唔使墊底。」