居日歌手陳美齡前晚一家五口專程返港慶祝母親彭端淑90歲大壽，美齡聯同兩位家姐陳依齡、陳曦齡、弟弟陳宇齡及弟婦等與母親切蛋糕，她表示揀選了一個大銀盤擺設送給媽咪，並透露媽咪最開心是見到三個孫仔，昨日飛返日本的她承認不捨得母親：「佢年紀愈嚟愈大，我就愈唔捨得。」並坦言曾與日籍老公金子力傾過回流返港：「不過佢唔識廣東話同英文，嚟到香港會冇晒朋友。」由於其大仔已廿八歲，問到是否已做嫲嫲？她即爆料指三名兒子經常換女朋友，並自爆瘀事：「有次我同個女仔講好耐冇見，點知佢話第一次見我，幾唔好意思。」

陳美齡與老公金子力（後排左一）及三名兒子，一同返港為母親祝壽。